ما هو الفرق بين الصدمة النفسية العادية والصدمة النفسية التي تحتاج إلى علاج؟

أنت تشاهد إجابة منفردة، يمكنك استخدام الزر المجاور لتصفح جميع الإجابات.

اطلع على جميع الإجابات
star إجابة مميزة

مبدأياً خلينا نقول إن الصدمات هي تعرض الشخص أو مشاهدته لحدث مهدد للحياة ممكن التعرض دا يكون مباشر أو من خلال وسيط زي الفيديوهات (الدليل الأمريكي لتشخيص الأمراض النفسية بيشترط أن دا يبقى مرتبط بوظيفة الشخص) و تجاوز الصدمات بيختلف من شخص لآخر .

ربنا خلقنا عندنا قدرة على تجاوز الاحداث الصعبة بوجود بعض الحاجات حوالينا زي الدعم الاجتماعي و العلاقات الصحية لما بيحصلنا معانا حاجة سلبية او مؤلمة بنقدر نتخطاها و دا بيحصل في الاساس اثناء النوم و في مرحلة معينة منه اسمها حركة العين السريعة بيحصل ان الحاجات السلبية اللي بنمر بيها بيتم عمل معالجة معينة ليها في المخ أثناء الاحلام بحيث يتم حفظ كل جزء منها في المكان المخصص ليه و في الاخر بعد مرور شوية وقت الواحد بيقدر يسترجع اللي حصله بدون ما يحس انه لسه بيعيش نفس المشاعر دي تاني كل مرة بيحصل حاجة تفكره بيه او يبدأ يتجنب الحاجات اللي بتفكره دي و يبعد عنها و دا التجنب اللي ممكن يعطل حياة الانسان اللي ما قدرش يعمل المعالجة الصحية الطبيعية للحدث السلبي دا خلينا نضرب مثال عشان الدنيا تبقى اوضح "واحد عربية خبطته و كان هيموت" الشكل المثالي اللي نتمنى يحصل و بيحصل لكتير من الناس انه بعد شوية من التعامل مع دا هيرجع تاني يعيش كويس و يتحرك بأريحية و يقدر يتعلم انه ما يخاطرش مثلا و يعدي الطريق الا من الاماكن المخصصة لدا و هكذا و ممكن يفتكر الحدث و يحكي عنه بدون ما يحس انه بيتخبط بالعربية كل مرة بيحكي عن دا

الشكل المرضي او اللي بنسمي الحدث فيه هنا حدث صادم ان الشخص يبدأ يظهر عنده اعراض من بعد الحادثة زي انه يشوف كوابيس مثلا او يفتكر صور الحادثة كل شوية في شكل فلاش باك بيخليه يحس كل مرة ان العربية بتخبطه و ممكن يتجنب الطريق دا او النزول للشارع من اساسه و ممكن تلاقيه بقى قلقان اكتر من العادي بتاعه و دايما متوقع ان تحصل مصيبة دايما

هنا بيكون قدرة المخ الطبيعية على تجاوز الاحداث تعطلت لسبب او لآخر و ساعتها بنحتاج مساعدة متخصص عشان نقدر نعدي دا سواء بقى المساعدة دي كانت دوا او علاج نفسي

اطرح سؤالك على مجتمع التعلم واحصل على أجوبة من خبراء

الإشعارات

أغلق
جار تحميل المزيد
لا توجد إشعارات