موسم التقديم في المدارس بدأ، ومازلت في حيرة على أي أساس اختار مدرسة لابني في مصر؟

sara abduallah
sara abduallah
قبل أسبوع

مبدئيا لازم نفهم انه لكل اختيار سلبياته وايجابياته وان اسوء شيء انك تعتقد ان اختيار المدرسة هيكون اختيار امن يعني اخترت مدرسة كويسة وقبل ابنك فيها يبقى مبروووووووووك انت كدا صح لازم تعرف انك بتخسر اشياء وتكسب حاجات تانية ... مبدئا الغرض الاساسي من المدارس ليس التعليم فقط لان بسهولة جدااا يحصل الطفل على تعليم ممتاز في المنزل بنفس تكلفة المدرسة بل اقل فلو الغرض التعليم فقط فانصحكم تسجلوا اولادكم في اي مدرسة قليله المصاريف تجيبوا المناهج الانترناشونال وتجيبوا مدرسين لها الحصة بتتراوح بين 150 الي 200 ساينس وماث للحصة والعربي والقران من 60 -100 200-250 للفرنساوي والالماني هتلاقي نفسك صرفت في السنة من 30 الي 60 الف وده حسب نوع المنهج و مكان سكنك اللي بيحدد سعر الحصص

ولو مستكثر 60 فنفس المناهج اللي اخترتها في نفس المكان اللي انت ساكن فيه بنفس اسعار الحصص هتكلفك 100الف فالتعليم المنزلي مكلف طبعا لكن له رواده وله مجموعاته اللي بتعالج مشاكله وقبل ما تاخد الخطوة لازم تعرف انت عاوز ايه بالظبط

ولا تضغط نفسك

نجي بقى للمدارس .. الناس بتتعلم وبتاخد شهادات علشان تشتغل

و خلونا نتفق علي حاجة مهمه ان لكل فترة زمنية طبقية مجتمعية يعني فكرة تساوي الناس دي غير حقيقية رغم ان النبالة انتهت من عقود لكن لا يزال الانسان قادرا على اعادة تصنيعها مثلا في الستينات كانت النبالة ان تكون خريج طب او هندسة او ظابط الثمانينات ان تكون مقاول بتعرف تشتري اي حاجة وتقعد في اي مكان ولو ما بتعرفش تفك الخط وتبعا لذلك كانت الناس بتقاس بمقدار الفلوس اللي معاهم فلو طبيب وفقير فانت كحيان وده مختلف عن الستينات تماما في التسعينات صعدت النبالة الدينية وبقت كريمة المجتمع هم الناس اللي ليهم سمت ديني ورغم كل اشكال التشويه الاعلامي فبرده احتفظوا بمكانتهم اللي وصلت لقمتها في العقد الاول من الالفية الجديدة

حاليا الطبقات المجتمعية بترتب طبقا لمكان التخرج الدراسي جامعي ومدرسي مثلا لو مهندس خريج الالمانية احسن مليون مرة في الوضع الاجتماعي وفي ايجاد وظاتئف من خريج جامعة القاهرة وخريج القاهرة افضل من خريج اي كلية اقليمية ويطبق الامر على المدارس فلما تقول دار التربية في اي انترفيو فانت هنا احسن من غيرك

بالتالي لازم تكون فاهم ان اسم المدرسة هيتدخل في مستقبل ابنك لو ظل الحال على ماهو عليه الله اعلم بكرة فيه ايه

والاهم ان مجتمع المدرسة هو من سيصنع شخصيته

دولت اهم نقطتين الحقيقة في الاختيار ليه بقى الاولى علشان الشغل والثانية مهمه لان الطفل لو موجود في مجتمع غير مشابه له في اغلب نقاط الحياة من مكان سكن لنوع عربية لاشتراك نادي لملابس والعاب ..... الخ هيحس بانه اقل و ممكن يبقى عنده احساس بالدونية او الوضاعة وانه مش متشااااااف ودي اسوء حاجة تحصل لاي حد والمدارس بتغذي ولا تعالج هذه النقطة الكارثة التانية انه لو متفوق دراسيا ممكن يحصل له نبذ داخل مجتمع المدرسة لانه من وجهة نظر اقرانه متشاف للمدرسين لكنه لا يستحق ذلك

في الحالتين هيكون وحيد ومش هيعرف يعمل اصدقاء

والحقيقة ان الاسئلة الطبقية الموجودة في الانترفيو الخاصة بنوع العربية واسم النادي وبراند الشوز منطقية طبقا لمجتمع بيحدد طبقاته المجتمعة حسب المدرسة :(

اللي يقرا الكلام كدا يحس ان المدارس دي سيئة لاء خالص بتخرج ناس متزنة ناجحة قوية اكاديميا وسعيدة متى تحقق شرط الاتزان اللي هو مجتمع مشابه للطفل دون وجود ضغوطات . يعني حلوة وجميلة واللي يعرف يدخل عياله ب500 الف يدخلهم بس ما يكونش مضغوط ماديا او اطفاله مضغوطين داخل المدرسة .

طيب لو انت اب لا تملك الا 5 الاف جنيه مصاريف هقولك معلش سجل ابنك في مدرسة ب 400 جنيه وما توديهوش ليها و اول 3 سنوات اعمل شيء واحد بس اقضي علي اميته التعليمية في العربي والماث والانجليزي طبعا الحصص عندك هتكون اقل وممكن اصلا تدرسة مناهج اميريكان وهي متوفر بالمجان

بعد كدا علمه ازاي يعمل سيرش على النت في وجود رقابة ضامنة لعدم تعرضه لاي استغلال كل شيء متوفر والتعلم بات اسهل بكثير مش ذنبك انك ما معاكش 100 الف لكل طفل مصاريف دراسية تاكد ان في دائما فرصة جيدة لكن المهم تستغل مواردك وامكاناتك بشكل كويس وخلينا نحط قاعدة ان مافيش غلط ولا صح في التعليم بقدر في شيء مناسب وغير مناسب لا تضغط نفسك

طيب لو انت في المنتصف

اختر الاقرب للسكن او الاقرب للمجتمع بتاعك يعني المدرسة اللي هيودي فيها اغلب اصحابك عيالهم علشان يكون الطفل في مجتمع يشبهه ونصيحة اخصم من 5 ل 20 الف من سعر المدرسة تحت بند رحلات

بمعني ان لو انت ناوي علي مدرسة ب 40 الف خليها ب 30 والعشر ديت اطلع بها رحلة كويسة مع ابنك سواء داخليا او تجمع مصاريف سنتين وتبقى رحلة لبرة

ليه بقول كدا لان اغلب المدارس في المنطقة دي متقاربة في الجزئية الاكاديمية

فمش هتفرق مدرسة ب40 عن مدرسة ب 30 لو انترناشونال

او ام 20 عن 10 لو ناشونال لكن هتفرق كثير في شخصية الولد لو راح رحلة بره مصر وهو في ابتدائي هتفرق في تفكيرة وتعرفه على شعوب اخرى

لا تضغط نفسك ماديا ولا تضغط ابنك تعليميا

الدراسة رحلة وكل ما زادت تجاربها كل ما كانت الخبرات اكبر وامتع

الضغط النفسي في مصاريف المدارس على الاهل اوالمجتمعي على الطفل داخل مجتمع لا يشبهه هو الخطأ

واي شيء تاني كويس وحلو سواء كان ب500 الف او 500 جنيه

المهم تعرف ازاي تستغل اجمل ما في الرحلة وتعالج اسوء ما فيها

هو ده التعلم

..... الجزئية الاخري احتياج الطفل علشان نكون واقعين فاغب المدارس متاشبهة في هذه الجزئية الا لو كان طفلك يحتاج عناية مخصصه سواء انه اعلى ذكاءا او يواجه صعوبات تعلم الحالات دي بس اللي بننشغل بتفرد الطفل لان التفرد هو بيكون عنصر معيق للتعلم

لكن بشكل عام التعليم المدرسي نمطي ومصمم بالاساس بشكل يتناسب مع غالبية الاطفال

والاهم نحن في مصر لا نمك مدارس متميزة فنيا للاطفال ذو الامكانات الموسيقية او رياضيا لذوي التفوق الرياضي او ادبيا للموهوبين في اللغة .... الخ الكل في هذه النقاط يتساوى تقريبا

أضف إجابتك

أرسل إجابتك كعضو
أرسل إجابتك كزائر

اطرح سؤالك على مجتمع التعلم واحصل على أجوبة من خبراء

الإشعارات

close
refresh
جار تحميل المزيد
notifications_off
لا توجد إشعارات